香港新浪網 MySinaBlog 精選話題工具
« 上一篇 | 下一篇 »
Miss Jubie | 7th Jun 2009 | jubie湊B日記 | (4419 Reads)

人奶的秘密


June 6, 2009 (小公主20日大)


近日有啲Blogger問Miss Jubie點解啲人奶會咁濃郁咁白嘅呢?因為個個都留言話佢哋啲人奶係透透地明同好稀好水... 呢個問題連我媽咪都有提及過,因為我媽咪以前未餵過我同我妹妹食人奶,所以都唔係好清楚,不過佢就好肯定咁話我啲奶奶一定好夠營養,因為佢發現我泵出嚟啲奶奶係奶白色,仲有一層Cream,就好似Whipping Cream嘅質地咁,不過就再稀啲~ 但...其實我最初泵啲人奶都唔係咁嘅色架,你哋有冇發覺,最初果幾日泵嘅奶奶係橙黃色嘅呢?呢啲就係"初乳"喇,呢啲"初乳"係最最最最有營養,所以BB一出世,第一時間就係先俾BB飲呢啲人奶喇~ 而且"初乳"含有極豐富維他命A,又有好多抗體,有助免疫系統的發展,又有輕瀉作用,有助腸臟排出胎糞,減低初生BB黃疸症程度...

"初乳"其實係超濃縮嘅人奶,"初乳"就好似滴滴甘露咁,因為份量少,所以每一滴奶都咁珍貴,最適合初生BB嘅體質.... 尤其是(少過37週分娩)早產分娩嘅媽咪(即係我,我35週生小公主)嘅初乳含有豐富蛋白質,鐵質及其他各種免疫物質,對早產BB日後發展好有幫助~ 所以,如果早產BB未識得啜個胸啲奶或媽咪未上到奶,可以最少每隔3-4個鐘用電動泵奶器泵出初乳,用奶樽餵俾BB食,我之前喺醫院啲護士就係咁單對單教我咁做架喇~

唔講你哋未必知,其實BB好鍾意飲人奶,因為人奶係甜甜哋架,而且人奶有好多好處架, 大家睇睇下面...


(以下資料轉載自:香港母乳育嬰協會)

http://www.breastfeeding.org.hk/%E4%BD%95%E4%B8%8D%E9%A3%B2%E4%BA%BA%E5%A5%B6%EF%BC%9F


"好處包括:嬰兒和小孩的智商會較高,免疫系統會更強壯,例如嬰兒肚瀉的機會減少;其他感染如尿道炎(對未發育的腎臟特別危險)、上呼吸道感染、中耳炎、壞死性腸炎(Necrotizing enterocolitis)等都比較少。 而非感染性問題,包括氣管敏感、異位性濕疹、嬰兒猝死症(SIDS)、兒童肥胖症、二型糖尿病、腹腔性疾病(Coeliac disease),麩質敏感性疾病(Gluten sensitivity disease)等也減少。


除了嬰兒身體得到的好處,他與母親的感情也更親密。 餵人奶對母親也好處,例如減低子宮內膜癌、卵巢癌和乳癌,也減少類風濕關節炎和骨質疏鬆問題。有餵母乳的母親修身也比較快,因此筆者當年一邊當全職家庭醫生,仍堅持餵人奶 (當然需在工作地方定時「泵奶」,放冰箱貯藏,存放和運送的過程皆要非常嚴謹)。


世衛與美國兒科學會均提議嬰兒首六個月可完全只飲人奶,若情況許可,餵母乳的時間可長達一至二年。母乳是最好的選擇,但實際上有多少人會選擇「最好的」呢?在一個香港的大型調查中(Birth 29[3]: 162-8),在1997年,只有33%的母親用母乳餵嬰兒,但餵超過一個月的已跌到20%,超過三個月更只有10%。 這雖然比1987年有所進步,而最差的一年是1978,只有5%的人餵母乳。為何精明的香港人會如此「唔識貨」?


原因可以很多,例如醫院有否鼓勵和協助初為人母的去餵奶(嬰兒剛出生是最佳開始時間),現代母親沒有上一代來傳授餵奶技巧,誤信奶粉比人奶好,因剖腹分娩而傷口痛要休息,直覺唔夠奶和怕嬰兒吃不飽,乳房或乳頭痛等等。不過,其實大部份都不外是技術問題(technical difficulty),只要有決心和有醫護人員「教路」,成功餵人奶絕對是可以的。 試想,千百萬年來,人類都由母乳餵大,這能力根本就是與生俱來的。 反而個人以外的社會因素,需要集思廣益及整個社會態度和價值觀上有所更新,餵人奶才會重新被認受。


現代社會令很多婦女要出外工作,產後假期只有區區六週,正好餵人奶餵得剛上軌道,又要趕着開工拼搏了。 由於怕到時嬰兒要從母乳轉奶粉難適應,很多母親便索性從一而終,用奶粉「乾手淨腳」。工作時段要「行開行埋」泵奶,老闆不黑臉才怪。另外,電視雜誌中有很 多「助長奶粉」,甚麼添加額外蛋白質、腦部必須品等,令嬰兒「高人一等」,誤導消費者相信奶粉比人奶更健康,對名牌奶粉更加信心十足。 筆者常被懷孕母親問哪牌子好,我的唯一答案是反問她,將生下的是人還是牛,是人BB為何要飲牛媽媽的奶?"


另外,又有Blogger問Miss Jubie, 佢問我係咪食得到又瞓得好呢? 而且仲話如果係嘅話, 咁就明白點解我個小公主可以捱到 4 hrs. 先食一次奶奶啦... 話我因為食得飽瞓得足, 所以我啲媽咪奶奶有足夠嘅脂肪, 咁所以夠飽肚~ 仲話其實媽咪奶奶同 bb嘅食量係供求關係,bb啜奶奶果時其實比左 msg.俾我大腦, 話比我哋知佢需要啲咩~ 咁我哋就會根據佢嘅 msg. 去製造啱bb需求嘅奶奶俾佢哋飲喇~


我睇完佢段留言,又覺得佢講得好有道理喎!我確實又真係咁喎~ 我又食得好勁,又補得好,又訓得好,又好服侍(我媽咪做咗我阿四),又湊B冇壓力(我老公,細妹同媽咪輪流幫我湊B同餵奶)係夜晚半夜先要我一個人自己做, 真係好嘆架!難怪我啲人奶會咁"香濃白滑"啦~ 而且我啲人奶,越泵越多,每次30mins都泵到最少170ml-200ml, 我每日要餵六餐,有四餐係餵Bottle人奶,另兩餐先係埋身餵人奶,而小公主每餐最少要食100ml-120ml, 咁嘅成績我覺得都算唔錯喇~ 而且我修身都修得好快,個肚差唔多收晒喇,淨返少少突出嚟咋~ 瘦得仲好過減肥果陣, 成績都唔錯呀... (但其實我呢個坐月期超級好大食,食咗好多好野,又食咗好多燉品同湯水.....哈哈哈~

我自己就打算餵半年至一年(6個月-12個月)人奶就收檔,跟住就改餵Homo奶同食糊仔~ 你哋個Feeding Plan又點呢?

 


[1]

好勁呀妳!餵到真係好好㗎。仲慳番唔少添!哈哈哈… 加油!

Lindberg
[引用] | 作者 Lindberg | 9th Jun 2009 | [舉報垃圾留言]


係呀!~~ 呢句係真呀!~~ 哈哈哈~ 真係慳番唔少~~~

[引用版主回覆] | 作者 Miss Jubie | 11th Jun 2009

[2]

小公主有咁有營養既奶奶食, 一定肥肥白白啦~

盧依喬
[引用] | 作者 盧依喬 | 9th Jun 2009 | [舉報垃圾留言]


希望可以KEEP住一直咁好質量就好喇~

[引用版主回覆] | 作者 Miss Jubie | 11th Jun 2009

[3]

我都係餵人奶給女兒,你要加油!
http://hk.myblog.yahoo.com/madebyemily


[引用] | 作者 emily | 10th Jun 2009 | [舉報垃圾留言]

[4] Re: emily
emily :
我都係餵人奶給女兒,你要加油!http://hk.myblog.yahoo.com/madebyemily

我都係YAHOO BLOGGER 嚟架!~
http://hk.myblog.yahoo.com/miss-jubie

Miss Jubie
[引用] | 作者 Miss Jubie | 11th Jun 2009 | [舉報垃圾留言]

[5]

想問你的床在哪買的
好可愛啊


[引用] | 作者 CC | 27th Jun 2009 | [舉報垃圾留言]


呢張公主床仔係我個朋友借比我哋用架咋,我問過佢都唔知邊度買,因為係佢親戚送俾佢嘅~

[引用版主回覆] | 作者 Miss Jubie | 5th Jul 2009

[6]

我個仔食人奶食到22 個月大,你都得架。加油! 


[引用] | 作者 nikita | 10th Jul 2009 | [舉報垃圾留言]

[7]

請問你位小公主而家幾個月大? 我女女都係吃人奶, 而家兩個月大. 夜晚佢會訓天光所以唔洗半夜起身餵奶. 不過我仔仔2歲仲係同我+老公一齊訓 - 到而家仲要起身 1-2 次吃奶 (奶粉)!

我問題係奶水似乎不太穩定, 可能我餵得有時唔準時 / 又無依時pump.... 係公司一坐落做野就唔記得要去pump... 上次仔仔時pump奶的份量反而比今次多! (仔仔吃人奶吃到1歲1個月大..)

kayin ma 上


[引用] | 作者 kayin ma | 22nd Oct 2009 | [舉報垃圾留言]

[8] Re: nikita
nikita :
我個仔食人奶食到22 個月大,你都得架。加油! 

我諗我唔得喇,我就快冇奶喇~ -_-,


[引用] | 作者 miss jubie | 28th Oct 2009 | [舉報垃圾留言]

[9] Re: kayin ma
kayin ma :
請問你位小公主而家幾個月大? 我女女都係吃人奶, 而家兩個月大. 夜晚佢會訓天光所以唔洗半夜起身餵奶. 不過我仔仔2歲仲係同我+老公一齊訓 - 到而家仲要起身 1-2 次吃奶 (奶粉)!
我問題係奶水似乎不太穩定, 可能我餵得有時唔準時 / 又無依時pump.... 係公司一坐落做野就唔記得要去pump... 上次仔仔時pump奶的份量反而比今次多! (仔仔吃人奶吃到1歲1個月大..).

我個女5個幾月大喇,我食錯野,加上最近懶,所以奶量少咗,飲咗木瓜魚湯都係猛車邊有啲奶泵,不過我諗就快冇喇~~~


[引用] | 作者 miss jubie | 28th Oct 2009 | [舉報垃圾留言]

[10]

hi 你好, 我有睇到你的blog,很精彩的分享, 還有你的攝影,你相機下的小公主很漂亮 !

其實我想介紹你到我的網站"媽寶物語"

www.moms-uno.com

希望你都可以分享你的生活和你的經驗給其他媽媽及將會成為媽媽的人

謝謝


[引用] | 作者 raingo | 4th Feb 2011 | [舉報垃圾留言]

[11] Re: raingo
raingo :
hi 你好, 我有睇到你的blog,很精彩的分享, 還有你的攝影,你相機下的小公主很漂亮 !其實我想介紹你到我的網站"媽寶物語"www.moms-uno.com希望你都可以分享你的生活和你的經驗給其他媽媽及將會成為媽媽的人 謝謝

多謝光臨我個BLOG,多謝你嘅讚賞!我會去睇睇! THANKS!


[引用] | 作者 Miss Jubie | 13th Feb 2011 | [舉報垃圾留言]