香港新浪網 MySinaBlog
« 上一篇 | 下一篇 »
Miss Jubie | 4th Jan 2013 | Jubie生活碎事 | (337 Reads)

Christmas & Boxing day 2012


December 27, 2012(小公主43個月11日大)



Jubie呢個聖誕過得真係好開心,食咗好多好嘅,仲收到好多禮物!

先講吓24號,當日我仲要返工,不過只係返半日,之後老闆同老闆娘請咗我哋全公司同事一齊去食日本菜任食,我食咗好多壽司同炸蝦天婦羅,食到飽飽之後就跟同事車,車我返屋企;我老公就慘喇,24號都仲要開OT,所以晚飯都冇得慶祝,只有得我同小公主兩個撐檯腳!



到咗25號,我就出去買咗隻雜錦魚生船,好好哋同老公慶祝吓,等佢有得食補番數,之後就睇番場戲,然後先去媽咪到食聖誕大餐!



今年多咗個新成員同我哋一齊慶祝,就係小B Ju喇~

睇吓我哋嘅聖誕大餐有咩食?有POPEYES炸雞啦...




有雜菜沙律...



有蒜茸包...





有我最鍾意食嘅新鮮海膽,生蠔同埋煙三文魚...



食完仲有聖誕禮物收添!


仲玩到好夜先返屋企.....




一到26號朝早,小公主一瞓醒,就已經急不及待咁拆晒啲禮物出嚟喇~

首先,先拆咗ERIC姑丈公,姑婆送嘅呢份禮物,小公主拆完就即玩即畫同即著!多謝晒!

 




跟住就拆Auntie 婆 Daisy呢份,係會識得唱歌同個鼻會識發紅光嘅鹿仔,而家小公主要攬住佢睇電視先安樂!



之後有Auntie婆 Helen同Judy表姐一家送嘅對對碰Card Game, 一堆靚新衫新鞋同背囊!小公主又有新衫著喇~ 多謝晒!



又收到家姐同奶奶送嘅Hello Kitty公仔@Mcdonald,靚到我都唔捨得拎出嚟俾小公主玩,仲有對Hello Kitty Boot,同暖水壺,熊袋袋,小公主見到都好開心!



當然唔少得要多謝家姐送俾我哋兩公婆嘅iphone啦,我哋已經用緊喇,多謝晒!



當然唔少得老公送俾小公主呢架三輪單車啦,小公主恨咗想要好耐,今次夢想成真!真係開心到佢暈!



仲有多謝姨姨送呢件外套,小公主著咗,成個好靚好高貴!



最正嘅係,多謝爸爸媽媽送嘅呢部抽濕機,我想買好耐架喇,多謝你哋送份咁實用嘅聖誕禮物俾我哋!




更要多謝老爺奶奶,Auntie Daisy婆俾我哋嘅利是!


拆完一輪禮物,話咁快就到 Lunch,好耐冇去Pizza Hut,所以今日就決定去食先!


唔知呢幾日係咪食得太多炸野同焗野,所以太熱氣,我開始喉嚨痛,真係大件事!我要飲啲涼茶下吓火先得!我唔可以病,因為公司近排好忙,所以我唔可以病~



睇見呢兩張相,兩表姐弟兩個都好可愛,我愛C你兩個呀~

啜啖先~~~

 




[1]

因網上找貴妃雞做法而路過你個blog, 我是做攝影的,覺得你影相幾靚,所以多手打個回應。睇你一些相你應該住markham吧! 我都係,或許大家曾遇上!


[引用] | 作者 路人甲 | 19th Feb 2013 | [舉報垃圾留言]