香港新浪網 MySinaBlog
« 上一篇 | 下一篇 »
Miss Jubie | 16th Mar 2013 | Jubie生活碎事 | (810 Reads)

我們的近況


MARCH 16, 2012(小公主46個月大)



屈指一算,Jubie原來已經冇更新呢個BLOG近三個月喇!係時候要報告一吓最近嘅近況,希望各位朋友仔冇因為我近日失蹤而離開咗我哋啦~

我失蹤嘅原因係因為公司由聖誕到而家一直都好忙,我喺公司都冇前排咁他條,而家日日忙到嘔,不過我暫時都仲係未使開OT住,因為公司仲有其他同事撐住,但遲啲就唔咁包喇。

既然咁忙,當然放咗工一定累到隻狗咁,返到屋企仲要開工(做阿四),好彩,有時老公都唔駛我煮,好乖咁出去買埋外賣返嚟開餐,真係好~

講 返小公主先,而家佢都快四歲喇,今年九月就入讀幼稚園喇,唔知係咪個個小朋友都係咁嘅呢,我發覺小公主唔再肥嘟嘟喇,個人高咗但瘦咗,成個好似被人拉長 咁,所以我幫佢剪短啲頭髮,希望可以睇落會肥返啲~ 最重要係我唔駛朝朝起身同佢梳辮先出門,係咁易梳兩梳就出得,夠方便快捷!

呢排小公主都好少同小表弟玩,不過一有機會就會去探小表弟,最近小表弟剪咗個和尚頭,個頭仔肥嘟嘟,圓碌碌,真係好鬼得意!

好喇,講住咁多先,遲兩日再POST啲新相上嚟!再過多一個月應該時間會鬆動啲,到時我就可以再POST新食譜上嚟同大家分享!希望你哋多啲嚟探我,同我傾吓偈啦~
留言(0) | 引用(0) | 話題(寫實)