香港新浪網 MySinaBlog
« 上一篇 | 下一篇 »
Miss Jubie | 8th Apr 2013 | Jubie生活碎事 | (244 Reads)

Weekend 唞唞

APRIL 08, 2012(小公主46個月20日大)

我公司最忙嘅時期終於啱啱過咗,好多Project 已經完成好,而且亦都交還俾啲客,所以而家手頭上剩低嘅部份Project 都係唔急嘅,可以慢慢做,所以我都開始比較他條,所以我相信,下個禮拜,我又可以再寫番食譜喇~



今篇暫時都係寫住小公主先啦~  太耐冇同佢影相,所以呢個週末搏命同佢影,希望唔好追甩咗佢長大中嘅倩影!哈哈哈~


小公主大個咗唔少,人仔亦好自律,而家除咗識得自動自覺自己走入廁所去屙尿尿之外(屙便便除外),佢仲識得自動自覺自己擔凳仔去擦牙,呢樣野真係要讚,因為擦牙唔係個個小朋友都肯自動去做。


呢排小公主對水好有興趣,成日都話想Swimming,我邊得閒帶佢去游?以前住嗰度,樓下平台就話有室內游泳池,可以隨時帶佢落去游,但而家想游的話,就要車佢去公共游泳池喇,所以為咗幫佢止痕,暫時喺屋企浴缸游住先啦~ 哈哈哈~


話時話,我都好耐冇Shopping行街買新衫,禮拜六難得打令老公話車我去Shopping行街買衫,我當然仆倒去啦!於是,經過一輪大血拼,掃咗唔少化粧品同新衫!


行到攰,係要唞吓先得嘅,整杯野飲吓,食杯雪糕涼吓先啦~ 唞完我就再嚟過,而老公就同小公主去車度眠吓!
睇張相就知佢今日有幾攰啦~


話時話,適逢Jubie就快牛一,唔~ 係時候諗諗想要啲咩,但又未買嘅,再爹吓老公買先得.....