香港新浪網 MySinaBlog
« 上一篇 | 下一篇 »
Miss Jubie | 4th May 2013 | Jubie恩愛夫妻 | (552 Reads)

 

Jubie 生日快樂 2013

May 4, 2012 (小公主47個月18日大)
Miss Jubie 啱啱過咗又生日喇!咁又老多一年喇!其實而家我都刻意令自己唔記得自己幾多歲!如果一提起,我就心裡慨嘆,然後問自己點解咁快就到咗呢個歲數...以前就好恨快啲變大個,而家就算唔想變細,都唔好再老落去~ 哈哈哈~



不如講吓我今年點過生日先!今年正呀,收到好正嘅禮物,同買咗好多野當送俾自己做生日禮物。

由於今年生日係喺週末,所以我有兩日可以好好慶祝!先講星期六,我過咗個好正嘅二人世界!係我生咗小公主差唔多四年,第二次過嘅二人世界!



嗰日我哋好恨心咁,一早放低咗個女去媽咪度,然後就咗食日本菜,老公點咗個拉麵,而我就點咗我嘅最愛,雜錦刺身飯,然後再加多個三文魚腩卷!就係咁食咗個好正嘅二人撐檯腳午餐!



然 後就走咗去唱K!我好耐好耐冇去唱K喇,諗起以前做女未嫁嗰陣,差唔多每個禮拜都去唱K,而結咗婚反而冇再個個禮拜去喇,加埋咁多年真係十隻手指都數得 晒!所以今日唱到飽!我勁點陳僖儀啲歌嚟唱,因為佢唱啲歌真係好好聽,但原來蜚蜚唱起上嚟係有啲難度,平日念口簧唔多覺,今日過咪就知喇~哈哈~講起陳僖 儀,就真係好可惜,佢人又靚,身型又OK,唱歌又好聽,又識彈琴作曲填詞,真係好有音樂天份,可惜一個咁嘅車禍,佢就離開咗呢個世界,得嗰26歲,正值青 春年華,事業有剛起步有上緊位,喺呢個時候離開,真係好可惜!



唱完K,就去咗睇湯告勞斯擔正嘅呢出電影,戲就一般,但電腦特技做得唔錯,不過而家發覺湯告勞斯老咗好多耶~



第二日正日,當然同埋小公主一齊慶祝啦!~
今日有埋生日蛋糕,又有我最愛嘅碗仔翅,魚生刺身,壽包!我都整咗一大份海膽三文魚子chirashi!哇!今餐真係好正!!!!


(有冇人有興趣整海膽三文魚子chirashi,有我就遲啲POST食譜上嚟!)




好! 講吓我啲戰利品同生日禮物先!上年家姐送俾我嘅MASK,我都仲未用晒,所以今年佢問我要咩,我就話要呢個手袋!我有好多手挽袋同TOTE,但就係偏偏欠 一個斜孭小手袋!今年Marc Jacobs出呢隻粉紅色,我好鍾意,所以就決定要呢個做生日禮物!一收到我就已經即刻用咗喇!哈哈哈~



再加上收到我媽咪爹地,老爺奶奶,同我Auntie嘅生日利是,發達喇~~~~多謝晒各位!!!

今年冇再要求老公買生日禮物,因為呢兩日生日洗費都係佢,好滿足!多謝晒~~~

而我,就真係破晒財,化粧品,衫,手袋都買咗一大堆,加上小公主大得快,係時候又要買過啲新衫,所以張VISA卡就嚟俾我碌爆咁滯~~~ 哈哈哈~



差啲忘記要多謝Yinman送俾我嘅生日禮物,係朱古力香味嘅茶葉,仲有六款口味,朱古力香味撲鼻!我好鍾意!多謝你!

 

小公主最近愛上玩貼紙,成日都喺佢呢個小天地度玩。

 


留言(0) | 引用(0) | 話題(寫實)