香港新浪網 MySinaBlog
« 上一篇 | 下一篇 »
Miss Jubie | 21st May 2013 | Jubie到處旅行 | (592 Reads)


小公主生日週 2013


May 15, 2012(小公主48個月大)

呢兩個週末,Miss Jubie 都為小公主生日慶祝咗兩次,一次同公公一齊慶祝,另一次一家三口喺Rainforest Cafe度慶祝咗!目的都係想小公主每年都有一個開心快樂嘅生日,同刻骨銘記嘅回憶!


今 年小公主收到好多禮物,有姑媽送嘅扮靚梳同鏡,又有手袋仔,又有婆婆公公同Auntie婆,爺爺嫲嫲嘅利是,又有公公同婆婆送嘅裙仔,底褲仔同鞋仔,又有 姨姨送嘅波波,又有媽媽送嘅裙仔同手鍊,又有婆婆公公哋買生日蛋糕同公公一齊慶祝生日同母親節,又有爸爸同媽媽帶佢去Rainforest Cafe度慶祝,真係萬千寵愛在一身!



上星期係母親節,好,就講吓點同公公同婆婆點一齊慶祝先~
當日一朝早,先到麥記食早餐,等佢一早就玩到飽先......



然後就去婆婆公公度切蛋糕,婆婆買咗個好靚嘅生日蛋糕俾小公主同公公,兩個開心到傻,一齊吹蠟燭同切蛋糕,表情溫馨到似足一對銀婚夫婦切蛋糕咁!哈哈~ 晚上又留喺度食打邊爐慶祝母親節~


啱啱,就同佢去咗Rainforest度慶祝,去唔到Disney,就去住Rainforest先啦~ 見佢都四歲喇,開始懂性,想同佢去啲特別嘅地方,等佢可以記得啲開心有趣嘅回憶!


Rainforest Cafe特別在於,環境似於熱帶森林入面食野,有大象,猩猩,蝴蝶,雀鳥,河馬等等會到時到後郁架,又會食食吓行雷閃電,嚇到小公主掩埋耳仔,依哇鬼叫~~ 哈哈~~~ 不過點都唔夠一個驚喜生日蛋糕咁興奮~~~~


睇吓佢笑得幾咁開心~~~~



小公主!生日快樂!爹哋媽咪錫晒你!!!

下次帶你去睇熊貓~

[1]

請問餐廳在那兒


[引用] | 作者 Emily | 21st May 2013 | [舉報垃圾留言]